ගණන්කාරයෙක් වෙන්නේ කොහොමද ? how to become genius

ඔන්න ඉතින් අද ඔයාලට කියලා දෙන්නේ ගණන්කාරයෝ ගැන.සිංහලෙන්ම කිව්වොත් Maths ගැන.ඔන්න මට පේනවා සමහර අයගේ මුහුණු මැලවෙනවා.පොඩි කාලේ ඉස්කෝලේ යනකොට ගොඩක් අයගේ (අ)ප්‍රියතම විෂය වෙන්නේ ගණන් නේ.හැබැයි ඉතින් ඔය අස්සේ ගණන් පිස්සොත් ඉන්නවා.ඔන්න ඔය දෙකොට්ටාෂෙන් මං අයත්වෙන්නේ දෙවැනි ගොඩට.අදටත් මගේ ප්‍රියතම විෂයක් තමා ගණිතය.

ගොඩ දෙනෙක් නොදන්නවා වුනාට මේ ගණිතය කියන්නෙත් එක්තරා කලාවක්.හැබැයි ගානට කරන්න ඕන.නැත්නම් ඉතින් පිස්සු තමා.ඉතින් ඔය කාට කාටත් කියවලා තේරුම් ගන්න පුළුවන් ගණිතයේ තියෙන පුදුම හිතෙන කාරනා ටිකක් තමයි මං අද ලියන්නේ.නැත්නම් කට්ටියක් ආසාවෙන් කියවද්දී,කට්ටියකට එපා වෙන්න පුළුවන්නේ.

ඔන්න කවුරුත් දැකලා ඇතිනේ මේ සංකේතය.මේක ග්‍රීක හෝඩියේ අක්ෂරයක්.සිංහලෙන් ශබ්ද වෙන්නේ "පයි"
කියලා.(අනේ මගේ දුප්පත් බ්ලොගේත් මින්පස්සේ sex සර්ච් වලට අහුවෙනවා).යම් වෘත්තයක විෂ්කබ්බයට එහි පරිධිය දක්වන අනුපාතය තමයි මේකෙන් හැදින්වෙන්නේ.මේක නියතයක්.හැබැයි ලස්සන වැඩේ කියන්නේ.මේක කොච්චර දෂ්මස්ථාන ගණනකින්වත් ලියලා ඉවරකරන්න නම් බෑ .ඒ වගේම තමයි ඒ දශමස්තානත් එකම පිළිවෙලකට නෙමෙයි පිහිටන්නේ.ඒක නිසා මතක තියාගන්න විදිහකුත් නෑ.සරලව 3.14 ක් කියලා කියනවා.ඒ වගේම තමයි මේ දෂ්මස්ඨාන මතකෙන් ලියන ඒවාට තරගත් පැවැත්වෙනවා.දැනට දශමස්ථාන 67,890 ක් ලියපු චීන ජාතිකයෙක් තමා මේ ගීනස්‌ වාර්තාවට හිමිකම් කියන්නේ.මෙතනින් ගිහින් වැඩි විස්තර දැනගන්න පුළුවන්.

0 ඉදලා 999 වෙනකල් ඕනෑම ඉලක්කමක් ඉංග්‍රීසියෙන් ලියන්න පුළුවන් A අකුර භාවිතා නොකර.one thousAnd ලියද්දී තමයි ඉස්සෙල්ලම A අකුර ඕනා වෙන්නේ.

එකම පරිධියක් ඇති හැඩතල ඇන්දොත් ඒවායින් වැඩිම වර්ගඵලයක් අයිති කරගන්නේ වෘත්තය එහෙමත් නැත්නම් රවුම.

 googol කියන වචනෙන් තමා මේක හැදිලා තියෙන්නේ.එහෙම කියන්නේ 1 යි බින්දු 100 කින් හැදෙන ඉලක්කමට කියන නමයි.

 4 තමයි ඉංග්‍රීසියෙන් ලිවීමේදී ඉල්ලක්කමේ ගන්නට අකුරු භාවිතාවෙන එකම ඉලක්කම.අනිත් කිසිවක එසේ නෑ.






ගණන් ගැන කියලා ගැටළුවක් දෙකක් නොදී යන එක ටිකක් අවුල් වගේ නේ.ඔන්න එහෙනම් පල්ලෙහා තියෙන ගැටලුවලට උතර දෙන්නලා.හොදේ.

ඔන්න පලවෙනි ගැටලුව ටිකක් ලේසි එකක් 

a = b සමාන යයි සිතන්න.

දැන් දෙපසම a ගෙන වැඩි කරන්න.

a² = ab

දැන් දෙපසටම a² – 2ab එකතුකරන්න 

a² + a² – 2ab = ab + a² – 2ab


දැන් ඒක අපිට මෙහෙමත් ලියන්න පුළුවන්නේ.

2a² – 2ab = a² – ab

තවත් සරල කලොත් මෙහෙමත් ලියන්න පුළුවන් 

2(a² – ab) = (a² – ab)

දැන් දෙපසම (a² – ab). ගෙන් බෙදමු.

2 = 1 

හෑ.....මෙහෙම වෙන්න බෑනේ.මට කොහෙද වැරදුනේ කියලා පෙන්නලා දෙනවද ?

ඔන්න ඊලග ගැටලුව ටිකක් සංකීර්ණයි.
හොදට අහගන්න.ඔන්න ඔයාලට දීලා තියෙනවා 40 kg යකඩ පඩියකුයි.තැටි තරාදියකුයි.සීනි ගෝනියකුයි.

     

හරි ඔන්න ඔය ටික දීලා ඔයාලව කඩේකට දානවා සීනි කිරන්න.දැන් ඔයාලා ඔය යකඩ පඩිය කෑලි 4 කට කඩාගන්න ඕන.එතකොට ඔයාලට කඩේට එන ඕනෑම එක්කෙනෙක් ඉල්ලන සීනි ප්‍රමාණයක් කිරලා දෙන්න පුළුවන් වෙන්න ඕන අර පඩි 4 හෝ ඉන් කිහිපයක් සහ තරාදිය පමණක් භාවිතා කරලා.හැබැයි මතක තියාගන්න කිරන්න පුළුවන් සම්පූර්ණ කිලෝ ගණන් විතරයි.500 g,250 g කිරන්න බෑ මේ විදිහෙන්.ඒ වගේම එකපාරක් විතරක් තරාදිය පාවිච්චි කිරීමෙන් ඕනෑම කිලෝ ගානක්(1 - 40 දක්වා) කිරන්න පුළුවන් වෙන්නත් ඕන.ඒ කියන්නේ කිලෝ 2 ක් ඉල්ලුවොත් කිලෝ 1 ගානේ දෙපාරක් කිරලා දෙන්න බෑ.පොඩි උදව්වක් කරනවනම් පඩි 4 බරේ එකතුව 40kg ක් වෙනවා.ඒ වගේම 1 kg ඉදලා 40kg වෙනකල් ඕනෑම සම්පූරණ කිලෝ ගානක බරක් කිරන්නත් පුළුවන් වෙන්න ඕන.පැහැදිලි ඇති නේද?මං දැන් අහන්නේ ඒ පඩි 4 බරවල් මොනවද කියලා....

ඔන්න තියෙනවා පඩි 4 .දැන් මේවයේ බර මොනවද කියලා තමයි මං අහන්නේ.

උත්තර දෙමුකෝ එහෙනම්.......... 

update......

ඔන්න තරගේ ඉවරයි ,ජයග්‍රහණය කල silent sahan සහ දූපත් වැසියාට සුබ පැතුම්.උත්තර පල්ලෙහා කොමෙන්ට් වල තියෙනවා බලන්නකෝ ......