ඔන්න යාලුවනේ ඔයාලට වෙච්ච පොරොන්දුවක් ඉෂ්ට කරන්නයි යන්නේ.මං කිව්වනේ ගමේ ආවම ආයෙත් Weekend Project වැඩසටහන ආයෙත් පටන්ගන්නවා කියලා.ඔන්න එක නිසා අද වැඩේට ආයෙත් බහිනවා හොදේ.ඔන්න අද කියලා දෙන්නේ පොල්පිති හරකෙක් නැත්නම් පොල්පිති ගොනෙක් හදාගන්න විදිහ.
මුලින්ම සුපුරුදු විදිහට අවශ්‍ය වෙන දේවල් .....
පොල් පිත්තක් - අමු හෝ ගොඩක්ම වේලිච්ච නැති එකක් [මේකේ මුල හරියයි අග හරියයි කපලා ගන්න පින්තුරේ තියෙන විදිහට]
පොල් කට්ටක්
ලණු කැබැල්ලක්
මහ පිහියක්
මුලින්ම කරන්න තියෙන්නේ හරකාගේ දිගට ඇතිවෙන්න පොල් පිත්ත කපාගන්න එකයි.
ඊටත් පස්සේ හරකාගේ කකුල් හදාගන්න ඕන උඩ පින්තුරේ තියෙන විදිහට.....
ඔන්න දැන් තමයි අමාරුම වැඩේ.ඒ කියන්නේ හරකාගේ අන් තට්ටුව හදාගැනීම.ඒක ඔය උඩ පින්තුරේ තියෙන විදිහට හදාගන්නකෝ.අන් තට්ටුව ලොකුවුණු තරටම හරකාගේ සැර පරුෂ භාවයත් වැඩිවෙනවා...හි..හි...
දැන් ඔන්න උඩ පින්තුරේ විදිහට හරකාට අන්තට්ටුව හයිකරගන්න ඕන.
අන් තට්ටුව හයිකරපු ගමන්ම හරකාගේ බෙල්ල වටේ ලනුවක් දාලා ගැට ගහන්න ඕන.නැත්නම් හරකා ගාල කඩාගෙන ගොහින් මිනිස්සුන්ට අනතුරු කරන්න ඉඩ තියෙනවා.
දැන් ඉතින් තියෙන්නේ හරකාට වෙලාවට කන්න බොන දෙන එක විතරයි.නැත්නම් හරකා අහල පහල වතුවලට පැනලා වගා හානි කරන්න ඉඩ තියෙනවා.ඒ වගේම තමයි පොඩි අය මේවා තනියම හදන්න යන්නෙපා..අම්මලා තාත්තලා පොඩි අයට මේවා හදලා දෙන්න හොදේ.
ඒ වගේම තමයි පොල්පිති හරකා මේ විදිහට නැතුව පොල් පිත්තේ මුල් කැබැල්ල අරගෙන ඒකට පොල්කටු අන් වෙනුවට ලී කෝටු කෑලි දෙකක් ගහලා හරකෙක් හදන විදිහකුත් තියෙනවා.ඊට වඩා මේ විදිහ ලස්සනයි කියලා හිතුන නිසා මං මේ විදිහට හැදුවේ.එහෙනම් ලබන සතියේ තවත් Weekend Project එකකින් හමුවෙමු ...ටටා.....
නියමයි. හැබැයි පොඩිඋං ඔය පොල්කටු, පිහි එක්ක වැඩකරනකොට පොඩ්ඩක් පරිස්සං වෙන්න වෙයි.
ReplyDeleteඔව් ඇත්ත ප්‍රසන්න අය්යේ,පොඩි අයට මේවා අම්මලා තාත්තලා හදලා දෙනවානම් තමයි හොද ...
Deleteඋබ දන්නවද හසරැල් මිට මාසෙකට විතර කලින් මගේ පුතාට මොන්ටිසෝරියෙන් මේක හදන එන්න කියල තිබුනා. නෝනා මට කතාකරලා අහනවා කොහොමද හදන්නේ කියල. skype එකෙන් Share screen දාල ps වලින් හදල පෙන්නලයි වැඩේ ගොඩ දාගත්තේ. මන් එත් හිතුව උබ මේ ලිපි පෙළ ලියාගෙන ගියානම් මෙහෙම මැරෙන්න ඕන නෑනේ කියල ..
ReplyDeleteඇත්ත තත්වේ ඕකයි, අද සමාජයේන් බැහැරව යන මෙවන්දේවල් අනාගත පරපුරේ දැනගැනීමට මෙහෙම ලියාතියනවාට උබට පින්ලැබෙයි..
මගේ අරමුණත් ඒකනේ...
Deleteහැබැයි මල්ලි මේ පොල් පිත්ත ටිකක් වේලිලා වැඩි කැහුටු එකක් වගේ ඇමට පෙන්නේ. තව පොඩ්ඩක් බිඩන්ගේ පැත්තට වෙන්න ගත්ත නම් ඔලුව ඒ වගේම ගන්න පුළුවන්.
ReplyDeleteඔව් සුදීක අය්යේ හදිසියට හොද පොල්පිත්තක් හොයාගන්න බැරිඋනා.....
Deleteඅනේ මමත් ඕවා හදපු ඒ සුන්දර කාලය ආයෙත් මතක් වුනා..ඊළග ඒවායින් මඥ්ඥාක්කා කොළ වලින් මාල හදන හැටි, කුරුම්බැට්ටි මැෂිම..පොල්කොළ නයා වගේ අයිටම් ජනතාවට මතක් කර දෙන්න....
ReplyDeleteමේ හදලා තියෙන ගොනා මී හරකෙක්ද.... එළ වස්සෙක්ද ?
මේකා මී හරකෙක් නොවැ,එළ හරකා හදන්නේ තැඹිලි පිත්තෙන් නොවැ...
Deleteමේ හෙන චූටි පොල් පිත්තක් නෙව..අර අග තියෙන උදැල්ල වගේ කෑල්ල්ත එක්ක තමයි ගන්න ඕනි..එතකෙට තමයි ලලස්සනන..
ReplyDeleteඔව් මං කිව්වේ ඒකනේ ඒකෙනුත් හදන විදිහක් තියේ කියලා
Deleteපොල් පිත්ත වේලිලා වැඩියි බං...අපි ගත්තෙ නාඹර පොල් පිති...ඒ කිව්වෙ වැටුනු ගමන් හරි ගහෙන් ගලෝල හරි...එතකොට හරකාත් පුෂ්ටිමත්
ReplyDeleteඔව් හැලපය්යේ හොද පිත්තක් හදිස්සියට හොයාගන්න බැරිඋනා.
Deleteමාත් ඉස්සර ඔය වැඩේ කලා. පොල්පිති ගොන්නු හදලා වෙච්ච මාර අප්සෙට් එකක් මෙන්න මෙතන තියෙනවා,
ReplyDeleteහප්පේ....කියෙව්වා..කියෙව්වා ...අම්මෝ ...
DeleteMage podi ekata hadala dena hituna post eka nisa.
ReplyDeleteape podi kalaya matak karata istuti.
Jayawewa
ජය...සිංහලෙන්ම ටයිප් කරන්න දැන් ලේසියි ..මෙතනින් ගිහින් බලන්නකෝ
Deletehttp://www.google.com/intl/si/inputtools/cloud/try/
ඔය සම්බන්ධව මගේ අද්දැකීම කිව්වොත් නම් මට දේශද්‍රෝහී ලේබලය වදිනවා හසරැල්.අපේ තාත්ත එක පාරක්
ReplyDelete" ඉන්න පුතාට මන් පොල් පිති ගොනෙක් හදලා දෙන්නම් සෙල්ලම් කරන්න " කියලා කිව්වා
මමත් හා කියලා කිව්වා.දැන් මට ඔලුවේ මැවෙන්නේ දඩාර් සයිස් ගොන් නාම්බෙක්ගේ පිටේ යන්න පුළුවන් සීන් එකක්.තාත්ත පොල් පිත්තක් කප කප ඉඳලා ටික වෙලාවකින් දුන්නා
" අහ මෙන්න " කියලා
මට කියවුනේ මේ මොන මගුලක්ද කියලා ...ඔන්න ඔහොමයි පොල් පිති හරකට මුල පිරුවේ මන්.දළදා මාලිගාව ගැන තියෙන්නෙත් ඔහොමම අද්දැකීමක්...ඒක කියන එක හරි නැහැ මේ වෙසක් සතියේ...එදාත් අහල පහල හිටපු හැමෝම සිල් බිඳ ගත්තා මන් නිසා..
( මේ කමෙන්ටුව ගැන සමාව භාජනය කරත්වා )
හා..හා...එළකිරි කතාව...මාත් හැබැහින් දකින්න කලින් අලියා කියන්නේ බල්ලෙක් විතර එකෙක් කියල හිතන හිටියේ,මේ කියන්නේ ඉස්කෝලේ යන්නත් කලින් කාලේ ගැන හොදේ
Deleteඔච්චර මහන්සි වෙන්නේ මක්කටෙයි. මෙච්චර හරක් ඉන්න රටේ..
ReplyDeleteඒ බත්කන හරක්නේ...
Deleteවැඩේ නං මරු. කවදාවත් කරල නැතත් දැනං ඉන්න එක වටිනවා...
ReplyDeleteමොනවා ,මේකක් හදලා නෑ කිව්වා....පුදුමයි..
Deleteඅපි පොඩි කාලේ ගත්තේ පොල් පිත්ත ගහට හයිවෙලා තියන කොටසත් එක්කයි ඒ කොටස තමා හරකගේ ඔලුව..
ReplyDeleteඒ මං කිව්ව අනිත් විදිහ...
Deleteමට අපේ පොඩි කාලේ මතක් වුනා..
ReplyDeleteම්ම්ම්ම්...
Deleteමේ සහෝ කිරි ගන්න පුළුවන් එළදෙනක් හදන්නේ කොහොමද පොල්පිත්තකින්? :D
ReplyDeleteපොල් පිත්තෙන් එලදෙන්නු හදන්න බෑ.ඇදගෙන යද්දී බුරුල්ලේ වැලි ගෑවෙනවනේ...:D
Deleteමේ වගේ දේවල් වලට හසැරැල්ට මම කලිනුත් ස්තූතියි කිව්වා, මේක නම් මෙහෙ ගෙනත් හදන්න බැරිවෙයි..
ReplyDeleteඔහේදී රට ඉඳි පිත්තකින්වත් හදන්න වෙයි...හි..හි..
Deleteනියමයි
ReplyDeleteතව ටික කාලයක් යද්දි මේව දන්න අය නැතිම වෙයි.
ඒ නිසා නියම වැඩක් කරල තියෙන්නෙ
තැන්කු...
Deleteහසරැල්
ReplyDeleteඅතීත මතක රැක ගන්න කරන හොඳ උත්සාහයක්.මම ලමයින්ට කොස්කොල තොප්පියක් හදල දුන්න දවසක්.අපිට තිබුන සෙල්ලම් බඩු වුන පොල්පිති හරක්,රබර් කටු බමර,රබර් ඇට රූං පෙති,නූල් රෝද ට්‍රැක්ටර්,උන බම්බු වෙඩි,කුරුම්බැට්ටි මැශින් මතක් කරන කොටත් දුකයි,
හසරැල්. මේක මාර හොඳ ප්‍රයත්නයක්. ගොඩක් උංට මේව මතක නෑ. තාත්තලට වෙලාවක් නෑ මේ දේශීය සෙල්ලම් බඩු හදා දෙන්න. අදමයි මෙහෙ ආවෙ. අනිත් ටිකත් බලලා ප්‍රතිචාරයක් දාන්නම්.
ReplyDeleteපුළුවන්නම් දාමු කෙසෙල්බඩ අශ්වයෙක්.. හැබැයි පිටේ යන්නත් පුළුවන්, තව ජම්බු අහස්කූරු... ඒව හදන්න පුළුවන් අපේ සීයට විතරයිනේ.... හූ හූ...
ReplyDeleteපුතේ බොලයි සීයට විතරක් නෙවේ අපිටත් පුළුවන් හරිය...
Deleteපොල් කටු අං දෙක දැමූ පොල් පිති හරකා Video eka balanna http://youtu.be/FDUN4hwf0Jg
ReplyDeleteහදන විදිහත් දැම්මනම් වැඩිය හොඳයි...
Delete