ලංකාවට බයිලා ගෙනා වොලී බැස්ටියන් ....

පින්තුරය ගත්තේ - http://wallybastiansz.com/

ඔන්න අද ලියන්න යන්නේ රජෙක් ගැන.නිකම්ම නෙමෙයි බයිලා රජෙක් ගැන.ඒ තමයි ලංකාවේ බයිලා රජු ලෙස විරුධාවලි ලත් වොලී බැස්ටියන් ගැන.එහෙනම් වටේ යන්නැතුව කෙලින්ම කතාවට වැටෙමුකෝ නේද...

1914 ජුනි 9 වෙනිදා ගාල්ලේ පියදිගමදී තමයි වොලී බැස්ටියන් උපත ලබා තිබෙන්නේ.වොලී බැස්ටියන් නමින් ප්‍රසිද්දවුනත් ඔගස්ටස් මර්තෙනිස් බැස්ටියන් නමින් තමයි බවුතීස්මය ලබලා තියෙන්නේ.පවුලේ සහ ලග නෑදෑයන් ආදරයට "ඔලී" යනුවෙන් ඇමතීම තමයි පසුකාලේයේදී සංගීත ක්ෂේත්‍රයේදී "වොලී "වෙලා තියෙන්නේ.

වයසින් වැඩෙත්ම රැකියාව ලෙස වොලී තෝරාගෙන තියෙන්නේ පොලිස් නිලධාරියෙක් වෙන එක.පොලිස් නිලධාරියක් ලෙස රථවාහන පොලිසියේ තමයි සේවය කරලා තියෙන්නේ.සංගීත භාණ්ඩ වශයෙන් ගිටාරයට,බන්ජෝ සහ වයලීනය තමයි ඔහුගේ ප්‍රියතම සංගීත භාණ්ඩ වෙලා තියෙන්නේ.

මුල් කාලයේ ඉංග්‍රීසි ගීත ගැයුවත් 1940 දී පමණ බයිලා සංගීත ශිල්පය වර්ධනය කිරීමට වොලී සෑහෙන මහන්සිවෙලා තියෙනවා.ඒකෙ ප්‍රතිපල සාර්ථකවුනා.කොයිතරම්ද කියනවනම් අදටත් සෑහෙන ජනප්‍රිය සින්දු වන "යමන් බන්ඩෝ වෙසක් බලන්න", "හායි හූයි බබී ආච්චිගේ බයිසිකලේ", "නර්ස් නෝනා", "අයිරින් ජොසපින්", "මුහුදේ යමු මසුන් මරන්න", "රටක් වටිනවා මගේ මව්පියෝ දෙන්නා", "වදකහ සුදිය" යනාදී ගීත සියල්ලම ඔහුගේ ස්වතන්ත්‍ර නිර්මාණ.වොලිගේ බයිලා කලාවට මූලික ආභාෂය වෙන්න ඇත්තේ කපිරිඤ්ඤා සංගීතය කියලා තමයි හිතන්නේ.

ගොඩ දෙනෙක් නොදන්නවා වුනාට "නර්ස් නෝනා" ගීතය ඔහු ගයා ඇත්තේ හෙද වෘත්තියේ යෙදුනු තමන්ගේ සහෝදරියක් වෙනුවෙන්.මෙලෙස ශ්‍රී ලාංකීය ගීත ක්ෂේත්‍රයට මහගු සේවයක් කල ඔහු 1985 ජනවාරි 16 මෙලොවින් සමුගෙන තිබෙනවා.

අයිරින් ජොසපින් ............

මෙතනින් ගිහින් සින්දු සෙට් එකම අහන්න පුළුවන්.
[වීඩියෝ නෙමෙයි,ඕඩියෝ විතරයි,අඩු බයිට් ගානක් තියෙන අයටත් රසවිදින්න පුළුවන්]

මකරා

ඔන්න ඉතින් කියන්න දෙයක් නැහැනේ.කවුරුත් දන්නා කෙනෙක් ගැන තමයි අද ලියන්න යන්නේ.කෙටියෙන්ම කිව්වොත් සුපිරි වැඩ්ඩේක් ගැන තමයි ලියන්න යන්නේ.ඒ තමයි Bruce lee.ඉතින් ගොඩ දෙනෙක් මෙයාව දන්නවා වුනාට වැඩිවිස්තර නම් දන්නේ නැතුව ඇති නේද?ඔන්න එහෙනම් බලන්නකෝ....

1940 නොවැම්බර් 27 වෙනි දින උපත ලබන මෙයාගේ මුල් නම වෙන්නේ Lee Jun-fan කියන නමයි.චීන නක්ෂත්‍රයට අනුව ලී ඉපදිලා තියෙන්නේ මකරාගේ වර්ෂයේ සහ එම දිනයේ මකරාගේ හෝරාවේදී.පසුකාලයේදී මකරා නමින් ලොව පුරා ජනප්‍රියවුනු ඔහුගේ උපතත් සමගත් මකරාගේ බැදී තිබීම අපූරුයි නේද?ඇමෙරිකාවේ සැන් ෆ්රැන්සිස්කෝ නුවර china town හීදී උපත ලබන ලීට වයස මාස තුනක් වෙද්දී ඔහුගේ දෙමව්පියන් ඔහුත් සමග hong kong නුවරට පැමිණෙනවා.චීන ජාතික පියාටත් අර්ධ චීන ජාතික මවටත් දාව පවුලේ සිව්වැනි දරුවා විදිහට තමයි ලී උපත ලබන්නේ.

ලීගේ චීන නම වන Jun-fan හි තේරුම "ආපසු පැමිණීම" යන්නයි.තම පුතා නැවත ඔහු උපන් ඇමෙරිකාවට පැමිණෙයි යයි සිතු ලීගේ මව විසින් එම නම ඔහුට තබා තිබෙනවා.ඒ වගේම ඔහුගේ Bruce කියන නම තබන්නට ඇත්තේ ඔහු උපන් රෝහලේ දොස්තර විසින් යයි විශ්වාස කෙරෙනවා.තරුණ කලට එළබෙත්ම වීදි සටන් කිහිපයකටම මැදිහත් වූ ලී සටන් කලාවක් ප්‍රගුණ කලයුතුයි කියලා සිතන්නේ ලීගේ පියා විසින්.ඒ වගේම ලීගේ පළමු සටන් කළා ගුරුවරයා වෙන්නෙත් ඔහුගේ පියා.සටන්කලා ගුරුවරු කිහිප දෙනෙක් යටතේම සටන්කලා හදාරන ඔහු සමහර සටන්කළාවන්හි හොදම ශිෂ්‍යයා බවට පත්වුණු පළමු ආසියාතික නොවන පුද්ගලයා බවටද පත්වෙනවා.

කුඩා කල රගපෑ චිත්‍රපටියක් the kid

පාසලේදීත් "නරක ළමයෙකු" වුනු ලී නිරන්තරයෙන්ම වීදි සටන්වලට පෙලබීම නිසා නිරන්තරයෙන්ම පොලිස් අමෙරිකාවේ පවතී සටන් තරගාවලි රැසක් තමන්ගේ අනසකට ගන්නත් ඔහු සමත්වෙනවා.තමා උගත් සටන්කලාවන් එකතුකොට එමගින් Jeet Kune Do නමින් සටන්කලාවක් 1967 දී ඔහු විසින් හදුන්වා දෙනවා.

jeet kun do ලාංචනය 

මේ සියල්ලම කලත් ලෝකයම ඔහුව හදුනාගන්නේ ඔහුගේ සිනමා ආගමනයත් සමගයි.ඇත්ත වශයෙන්ම ඔහු ලමාකාලයේ සිටම තමන්ගේ පියා විසින් නිපයු චිත්‍රපටවල රගපා තිබෙනවා.වයස 18ක් වනවිට චිත්‍රපට විස්සක පමණ රගපා තිබුනත් ලෝකය ඔහුව හදුනාගන්නේ green hornet රූපවාහිනී කතාමාලාවේ රගපෑමෙන් අනතුරුවයි.ඒ වගේම long beach හි පවතී සටන්තරග වලදී ඔහුට ප්‍රසිද්ද අමෙරිකානු කරාටේ ශුරයෙකු වුනු chuk norris හමුවෙනවා.මේ දෙදෙනා අතර ඇතිවූ සටන් අදටත් බොහෝ දෙනාගේ මතකයේ රැදී පවතිනවා.කෙමෙන් කෙමෙන් චිත්‍රපටිවල රගපාමින් තමන්ගේ ජනප්‍රියතාවය ඉහල නංවාගත් ලී 1972 දී enter the dragon චිත්‍රපටියේ රගපෑමත් සමග තමන්ගේ ජනප්‍රියතාවයේ කූටප්‍රාප්තියට පත්වෙනවා.

පුතු බ්‍රෙන්ඩන් සමග 

ලී ගැන සදහන් කරන විට අනිවාර්යෙන්ම සදහන් කලයුත්තක් වන්නේ ඔහුගේ අතිමානුෂීය බලයි.එම කාලයේ සිටි බොහෝ සටන්කරුවන් ශරීරය ශක්තිමත් කිරීම පිළිබද නොසලකා හරියත් ලී තමන්ගේ ශිෂ්‍යයන්ට පවා මස්පිඩු ශක්තිමත් කිරීමේ අවශ්‍යතාවය නිරන්තරයෙන්ම පෙන්වා දෙනු ලැබුවා.විශේෂයෙන්ම බඩේ මාන්ශපෙෂින් ශක්තිමත් කිරීම කෙරෙහි ලීගේ අවදානය වැඩිපුර යොමුවුනා.සමහරවිටකදී ඔහු ශරීරයට අධික වේදනා දෙන ව්‍යායාම්වල යෙදීමේදී ඔහුගේ දොස්තරලාගේ අවවාදපවා නොසලකා හැරියා.ඔහුගේ අදහසවුයේ "මිනිස් මොලය" ඕනෑම දෙයක් දරාගැනීමට හුරුවන බවයි.ඒ වගේම තවත් සටහන කලයුතු දෙයක් තිබෙනවා.එනම් ඇමෙරිකාවට සංක්‍රමණය වූ කාලයේ සිටම අධික ප්‍රෝටීන බහුල ආහාර මෙන්ම ශක්තිජනක ආහාරගනීමටද ලී පෙලෙබී තිබුනා.

enter the dragon චිත්‍රපටියේ හඩ කැවීම් අතර තුරදී ලී එක්වරම සිහිසුන්ව ඇදවැටෙනවා.1973 ජුලි 3 වෙනිදා game of death චිත්‍රපටියේ සාකච්චාවක් අතරතුර නැවතත් අසනීපවන ලී නැවතත් රෝහල ගතකිරීමෙන් අනතුරුව තම නිවසේදී 1973 ජුලි 20 වෙනිදා මෙලොවින් සමුගනන්වා.අදටත් විවාද සම්පන්න කාරනාවක් වන ලීගේ මරණය සම්බන්ධයෙන් සිනමා ක්ෂේත්‍රයට මෙන්ම ඔහුගේ සතුරු සටන් කණ්ඩායම් වෙතද ඇගිල්ල එල්ලවුනා.එමෙන්ම වැඩඅවසන් නොකළ game of death චිත්‍රපටිය ඇත්තටම ලීගේ game of death වුනයි කියලා තමා ගොඩදෙනෙක් අදටත් පවසන්නේ.ඔන්‍න‍ පල්ලෙහා තියෙනවා ලීගේ වැඩ ටිකක්.බලමු නේද????

නන්චක්කුවෙන් table tennis ගහන හැටි 

නන්චක්කුවෙන් ගිනිකූරු පත්තුකරන හැටි 

අතිමානුෂීය බලය - අගලේ මුෂ්ටි ප්‍රහාරය 

bruce lee vs chuck norris සටන් ජවනිකාවක් way of dragon චිත්‍රපටියෙන් 

වැඩිදුර විස්තර - http://en.wikipedia.org/wiki/Bruce_Lee